TALDE ANTOLATZAILEA
Natur Zientzien V. Topaketa antolatzeko, Euskalnaturako hainbat kide bildu gara, biologiako eta ingurumen zientzietako ikasle ohiak eta egungoak. Elkartea 2007an sortu zen, eta ekintza askoren sustatzaile izan da ordutik: argazki erakusketak, mendi zeharkaldiak, hitzaldiak… Bestalde, UEUren Natur Zientzien sailaren ardura ere badu, eta harekin elkarlanean antolatzen dira udaberriko, udako eta udazkeneko ikastaroak, baita topaketa hau bera ere.
Ana Irene Garcia del Bao
Donostia, 1996
Zaraitzu ibaiak leuntzen ditu nire hormak eta fintzen ditu nire formak. Harroilaren handitasunak txiki sentiarazten ditu sakonean daudenak, eta handi berriz, zeruko jabe direnak
Libe Martinez de Rituerto Zeberio
Tolosa, 2001
Maite du Aralarko Mailopean txiki zein gainean handi sentitzea, pagadi zabaletan basoa entzutea edota belardietan etzan eta mundua biraka sumatzea. Gogoan izan ohi du Aralarko larreek gizakiak ezarritako mugak lausotzen dituztela
Mikel Etxeberria Okariz
Beasain, 1994
Itzala eta lainoa ditu maite, ura eta baso zabalak, ur negarrak eta ibai burrunbatsuak. Maite du Orhiren babesean promenatzea, urtaro guziz. Baso jori eta aberats bakarra du amets isurialde bientzako
Leire Mendiola Zabaleta
Legazpi, 1999
Araba hego ekialdeko amezti zabalek liluratzen dute. Inguruko baso misto eta hezeguneetako sekretuen bila ibiltzen da gero. Sinetsita dago Muela eta Soila arteko ibaiak nola arrakalak leunduz bide berriak josi daitezkeela.
Aitor Salaberria Oiartzabal
Lezo, 1994
Amets eztietan Jaizkibelgo ameztietan barrena ibiltzen da. Esna denean, berriz, haitzaren gibeleko hareharrizko zirrikituak bisitatzen ditu, kostaldeko izakiei diosala egin, eta kresalaz blaituta itzultzeko
Unai Ormazabal Santa Cruz
Andoain, 1996
Leitzarango erreka bazterrak sorburu, martin arrantzalearen abiadan dabil. Geldiezein, ozen egiten du txistu. Oraindik ez du asmatu hegaldiaren norabidea, ez dio axola, ur ertzeko parajeak baititu unean uneko helburu.
Beñat Arroyo Egizabal
Lasarte-Oria, 1996
Mendebaldeko azken euskal harritik agurtzen du eguzkia, Ordunteko mendiak ortzimugan, eta Karrantzako herri eta harri galduen gainean. Lurrak kareharritan idatzitako istorioak irakurtzea du gustoko, ahaztutako aroetako izaki eta altxorrak ezagutzeko
Euskal Natura
Luzia Urkiola Azpiazu
Gabiria, 1999
Beriaingo haize boladak sumatu ditzaket begiak ixtean; Urbasako zirrikituak atzean utzi eta aireratu berri den ur emari ederra astintzen duena, uraren ibilguko pagoen hostoak dantzan jartzen dituena… hauspotzen nauena...
Udako Euskal Unibertsitatea